Preet Vihar ki Galiya

Jab aaya tha pheli baar,
Aksaar kho jata tha,
Preet Vihar ki choti choti galiyo meh

Nah jane kon log rehte hai yaha,
Itna bhagte kyu hai,
Rukhte kyu nahi?
Dekhte kyu nahi?

Nikala tha pheli baar
Jab morning walk k liye
Park meh log hass rahe the
Ravan ki tarah
Kuch talli bajja rahe the
Kuch latke the paiddo se
Preet Vihar k log

Har baar puch na padta
Na jane kitne raste the,
Jo sab mere kamre ko lejate the

Ab jab kuch samay nikal gaya hai
Preet Vihar apna sa lagne laga hai
Har rasta kuch jana pechna
Kya cheez hoti hai na pehchanna?
Pehchhana
Matlab kayi kayi alag cheezo ko
Ek bade ka part dekhna

Ab muskurate kuch log park meh
Dekh kar,
Woh Ravan jaise hasne wale uncle
Ki dukhhan hai beauty products ki
Yeh aunty MNC meh kam karti hai
Un uncle ka beta gali chor k rehta hai

Kaise jagao k,
Logo k
Mahine badal jate hai
Jab thodda pechchan jate hai unhe..